俄羅斯:莫斯科&聖彼得堡13日遊2013. 2

Day 2 Tue (21/5):

晴

吃過杯麵早餐 , 9 點出發去機場往聖彼得堡 , 經過昨天的深刻經歷 , 今日同以後我們都只會乘 Aeroexpress 往來機場啦 ! 我們先乘地鐡到 Belorusskaya / Белору́сская ( 綠色 , 2 號線 ), 此站得一個出口 , 一出閘又遇到好人 ! 主動指示乘坐 Aeroexpress 嘅方向 : 離開地鐡站沿建築物向右再向右行 , 你會見到右手邊有幾幢綠色建築物 , Aeroexpress 的小入口就在此 . 小心行過睇佢唔到 ! 

綠色箭咀:Aeroexpress 入口
藍色箭咀: 地鐡入口
紅色箭咀:地鐡出口

入到去到 counter 買票 , 買票 / 侯車的地方有顯示下一班的時間 . 大約半個鐘一班 , ~35 分鐘到達 . 上車唔駛嘟飛 , 下車先嘟 , 記住 keep 好張 barcode 飛 . 13:20 上機 , 14:40 到 St. Petersburg 聖彼得堡 . 呢個機場重細 ! 攞左行李 , 上二樓兌錢 ……. 啲機全部都不能用現金兌 !! 局住去 counter 兌換 !!! 蝕 !!!

到地下離開大樓 , 右手邊有 shuttle Bus no.39 去市區的 METRO MOSKOVSKYA / Московская( 藍線第三個站車程 30 分鐘，車資每 人 RUB3 5 , 每件大型行李 RUB35. 架 shuttle bus 比香港 16 座小巴還小 , 亦無空間放置大型行李 ! 到了總站全部人都下車，一下車落隧道便是到 METRO.

聖彼得堡嘅地鐡無莫斯科嘅咁複雜 , 啲車票係好似香港五毫子 , 不過有個大 M 字係上面 . 每程車資 RUB28.

~4 點到 hostel (Friends Hostel – Griboedova)

呢間 hostel 嘅地點 : excellent ! 就在喀山大教堂旁 . 可短距離步行往浴血大教堂 , 涅夫斯基購物大街.....

放下行李 , 趁好天又有排都未天黑 ( ~10pm 先天黑 ) 我們便出去周圍行下

喀山大教堂

浴血復活大教堂

勝家大樓 , 現為書店

參謀總部大樓

冬宮/隱士盧博物館

大涅瓦河畔 ( 即是冬宮後面 )

涅夫斯基大街

 

俄羅斯:莫斯科&聖彼得堡13日遊2013. 1

Day 1 Mon (20/5/2013):

陰--> 雨

10:55am 香港直航到莫斯科(Moscow-Sheremetyevo, RU (SVO), 17:05 到埗.

我們落機的terminal F….感覺很舊, 很細, 很暗……首都機場點解會係咁架!(後來再到此機場轉機先知道其他terminal係好新穎架), 我們出到大堂, 先去尋找現金兌換機, 上網做左功課, 部機好似ATM咁, 係紅色+灰色,好快就找到啦!用400蚊美金換到RUB12460. 不過只此一次用機換錢, 之後喺機場嘅兌換機都只可用卡不可用現金兌換.明屈遊客到counter 兌換,收取比較昂貴嘅手續費!

跟住我地就出去搵巴士搭. 因為搭巴士每人只需要RUB 25, 聲稱一個鐘可到達市區地鐡站. 而機鐡Aeroexpress呢, 就每位 RUB 320, 都係要轉地鐡. 所以我們選擇搭巴士. 喺大堂入面想問下邊度搭巴士,都唔係個個俄國人想答你架. 出左去,過左馬路,右手邊,有班人等等下,似係巴士站…..走過去搵到N817個站,再問下阿婆 (當然係手指指幅地鐡大地圖啦….)係咪去呢個地鐡站, 佢點曬頭話係,就安心喺到等車. 等車期間勁多小昆蟲(唔似烏蠅唔似蚊)飛來飛去…對莫斯科嘅印象真係麻麻…..但好戲在後頭…….

上車啦! 架巴士行左好耐都重喺機場區(因為重見到飛機升降),之後很快就塞車,行少少停多多,足足塞左兩個鐘,其間有很多人落車行, 最初唔知佢地行去邊,後來先知道佢地行左去塞車樽頸位之後嗰個站再上車!過左呢個樽頸位車程都很暢順, 原本一個鐘車程,變左三個鐘.廿五蚊搭到呆左!好一個體驗!

終於到總站落車, 見到我地拖住行李,唔駛開口佢地都主動指示我地地鐡站係邊個方向.So nice!

莫斯科地鐡每程30蚊,無論去邊都係30蚊, 只須入閘嘟一嘟, 所以全程我地都係買2 pass,即是60蚊,一個嘟完入閘,另一個再嘟. 我們無買多次票,因為我們唔知會搭多少程,亦唔想給它規限行程.自動購票機有英文.

喺地鐡站裡面,攞住張地圖喺咁睇,又有好心人(重要係靚女!)主動幫忙,指示正確出口.Thank you very much !

不過呢個時候, 落好好好大雨.......拖住行李,終於找到間Hostel.....但要上兩層大方形旋轉樓梯.

........冲個熱水涼,食個杯麵+ 罐頭(好彩有帶...攰死!)

喺俄羅斯有好多廿四小時營業嘅食店同超市 ,唔駛驚冇野食!

住宿:Comrade Hostel, Moscow (highly Not Recommend)